पुणे : देशी गायींचे महत्त्व लक्षात येण्यासाठी आणि त्या संदर्भात जागृती करण्यासाठी पुण्यात बालेवाडी येथे कामधेनू सेवा प्रतिष्ठानतर्फे ‘वर्ल्ड काऊ कॉन्फरन्स अँड ॲग्री एक्स्पो’ अर्थात देशी गोवंशाविषयीच्या जागतिक परिषदेचे आयोजन करण्यात आले आहे.
या परिषदेचे उद्धाटन राष्ट्रीय कामधेनू आयोगाचे अध्यक्ष डॉ. वल्लभभाई कथीरिया यांच्या हस्ते झाले. या परिषदेच्या निमित्ताने बालेवाडीतील मोझे महाविद्यालयाच्या मैदानावर देशी गोवंशांच्या प्रदर्शनाचे आयोजन करण्यात आले आहे. देशातील तीस जातींच्या गायी प्रदर्शनात ठेवण्यात आल्या आहेत. त्यांच्याविषयीची सविस्तर माहितीदेखील दिली जात आहे. हे प्रदर्शन एक डिसेंबर २०१९पर्यंत सुरू राहणार आहे.
गायीच्या शेणापासून दुधापर्यंतच्या प्रत्येक उत्पादनाचे महत्त्व पटवून देण्याच्या दृष्टीने नागरिकांना माहिती दिली जात आहे. लहान मुलांकरिता विशेष पुस्तकेही या प्रदर्शनात आहेत. पशुखाद्याची माहिती देणारे स्टॉल्सही आहेत.
(त्या प्रदर्शनाची झलक पाहा सोबतच्या व्हिडिओत...)
